Ölkənin bütün regionlarında eyni anda ağac əkilməsinə start verilib
6-12-2019, 13:33. Yazar: sevinc1
“Prezident İlham Əliyevin Sərəncamı və Azərbaycan Respublikasının Birinci vitse-prezidenti Mehriban Əliyevanın şair İmadəddin Nəsiminin 650 illik yubileyi ilə əlaqədar bir gündə 650 min ağacın əkilməsi təşəbbüsü çərçivəsində ölkəmizin bütün regionlarında eyni anda ağac əkilməsinə start verilib.
aia.az xəbər verir ki, “Təbiətə öz töhfəni ver” devizi altında keçirilən kampaniya çərçivəsində, Ekologiya və Təbii Sərvətlər Nazirliyi tərəfindən dekabrın 6-da Şamaxı yolunda yerləşən Pereküşkül ərazisində ağac əkmə aksiyasından Azərbaycanda Qadın Sahibkarlığının İnkişafı Assosiasiyası da yaxından iştirak edib. Assosiasiyadan “ABC tədris mərkəzinin” rəhbəri Leyla Həsənova,”Yeni Həyat İctimai Birliyinin” sədri Nailə İsmayılova “Hüquq Bürosu MMC”-nin rəhbəri Arzu Əliyeva, Cəmilə Nəcəfova və Aybəniz Hüseynova iştirak ediblər.
Qeyd edək ki, Dayanıqlı İnkişaf Məqsədlərinin 15-ci hədəfi Ekosistemlərin dayanıqlı istifadəsini müdafiə, bərpa və təbliğ etmək, meşələri dayanıqlı idarə etmək, səhralaşma ilə mübarizə aparmaq, torpaq deqradasiyasının qarşısını almaq və dayandırmaq, o cümlədən biomüxtəliflik itkisini dayandırmaqdan ibarətdir.
aia.az
Geri dön