Odessada 32 yaşlı azərbaycanlını öldürdülər
7-02-2016, 14:36. Yazar: admin
Ukraynanın Odessa şəhərinin Admiralsk prospektində uzun müddətdir orada yaşayan azərbaycanlı qətlə yetirilib
Virtualaz.org Ukrayna mənbələrinə istinadən xəbər verir ki, qətl fevralın 6-da gecə baş verib. Azərbaycanlını “Vimpel” barından bir az aralıda öldürüblər. Odessa polisinin verdiyi məlumata görə, ona iki bıçaq zərbəsi vurulub.
Şahidlər deyiblər ki, 32 yaşlı azərbaycanlı bardan çıxıb, öz “Mercedes”inə oturub, bu zaman ona üç nəfər hücum edib. Hücum edənlər azərbaycanlını avtomobildən sürüyüb çıxarıblar, döyüblər və daha sonra sinəsindən iki bıçaq zərbəsi ilə soyuqqanlılıqla öldürüblər.
“Onlar qorxmurdular ki, birdən kimsə bu cinayəti görər. Yaxınlıqda videomüşahidə kameraları da var, ancaq onlar çəkinmirdilər”, - şahidlərdən biri deyib.
Məlum olub ki, öldürülən azərbaycanlı xeyli vaxtdır Ukrayna vətəndaşlığı daşıyırdı.
Geri dön