““Azərbaycan Minsk qrupunun formatını dəyişməyə çalışır”
2-02-2016, 15:30. Yazar: admin
“Azərbaycan məqsədli şəkildə ATƏT-in Minsk qrupunun Qarabağ problemi ilə bağlı danışıqlar formatını dəyişdirməyə çalışır”.
Belə bir açıqlama ilə Ermənistan Xarici işlər naziri Edvard Nalbandyan bu gün keçirdiyi mətbuat konfransında çıxış edib. Nazirin sözlərinə görə, Azərbaycan tərəfinin belə bir addım atmasına səbəb mövcud çərçivələrdə öz mövqeyini qəbul etdirə bilməməsidir:
“ATƏT-in Minsk qrupunun səyləri Qarabağ münaqişəsinin istisnasız olaraq sülh yolu ilə həllinə istiqamətlənib. Məhz buna görə də Azərbaycan ATƏT-in formatında dəyişiklik məsələsini gündəmə gətirməyə cəhd etdi”.
Nalbandyan bildirib ki, Azərbaycan Qarabağ məsələsini başqa meydanlarda qaldıraraq situasiyadan çıxmağa çalışır.
Geri dön