Azərbaycanda yol polisi sürücünü belə sürüdü – VİDEO
1-02-2016, 15:32. Yazar: admin
Görüntülər yayılıb.
Azərbaycanda yol polisi ilə sürücü arasında daha bir xoşagəlməz hal yaşanıb.
Aia.az Bizimyol-a istinadən xəbər verir ki, polislər sürücünü sürüyüblər.
Qeyd edək ki, görüntülər bir həftə əvvələ aid olsa da harada çəkildiyi məlum deyil.
Əlavə edək ki, YPX inspektoru 6 halda sürücüyə nəqliyyat vasitəsinin salonundan çıxmağı təklif edə bilər.
"Yol-patrul xidməti haqqında" Təlimatın 11.6-cı bəndində deyilir ki, YPX inspektoru aşağıdakı hallarda sürücüyə nəqliyyat vasitəsinin kabinəsindən (salonundan) çıxmağı təklif edə bilər:
1) nəqliyyat vasitəsinin texniki nasazlığının və ya yükün daşınması qaydalarının pozulması hallarının aradan qaldırılması üçün;
2) sürücünün sərxoş vəziyyətdə olduğunu ehtimal etmək üçün kifayət qədər əsasın olduğu halda;
3) nəqliyyat vasitəsinin aqreqat və detallarının nömrələrinin qeydiyyat sənədlərindəki qeydlərlə sürücünün iştirakı ilə tutuşdurulması üçün;
4) nəqliyyat vasitəsi və yükə baxış keçirilməsi üçün;
5) sürücü və ya sərnişinlərin cinayət törətməsində şübhəli bilindiyi halda;
6) sürücülərin zəruri sənədlərin rəsmiləşdirilməsi və ya digər yol hərəkəti iştirakçılarına yardım göstərilməsində köməyinin tələb edildiyi digər hallarda.
Geri dön