Prezident İlham Əliyev Gürcüstanın Baş Nazirini təbrik edib
10-09-2019, 09:00. Yazar: sevinc1
Prezident İlham Əliyev Gürcüstanın Baş Naziri Giorgi Qaxariyaya təbrik məktubu göndərib.
Təbrikdə deyilir:
"Hörmətli cənab Baş Nazir,
Gürcüstanın Baş Naziri vəzifəsinə seçilməyiniz münasibətilə Sizi səmimi qəlbdən təbrik edirəm.
Azərbaycan ilə Gürcüstanı tarixən təşəkkül tapmış dostluq və mehriban qonşuluq əlaqələri birləşdirir. İnanıram ki, bu xoş ənənələrə əsaslanan dövlətlərarası münasibətlərimiz və strateji tərəfdaşlığımız xalqlarımızın mənafelərinə uyğun olaraq bundan sonra da inkişaf edəcək və möhkəmlənəcəkdir.
Sizə ən xoş arzularımı yetirir, dost Gürcüstan xalqının rifahı naminə qarşıdakı fəaliyyətinizdə uğurlar diləyirəm".
aia.az
Geri dön