Yevlaxda tələbələri aparan mikroavtobus qəzaya düşdü
23-05-2019, 10:24. Yazar: sevinc1
Yevlaxda baş verən yol qəzasında 22 nəfər xəsarət alıb.
aia.az ONA-ya istinadən xəbər verir ki, qəza nəticəsində bir nəfər hadisə yerində, digəri isə xəstəxanaya aparılarkən yolda ölüb. Ölənlərin hər ikisi qadındır. Onlar - 2006-cı il təvəllüdlü Sevindik Tamerlan qızı İmanzadə və Səadət Məzahir qızı Musayevadır.
Yaralılardan 19 nəfəri Yevlax Mərkəzi Rayon Xəstəxansına, 3 nəfəri isə Mingəçevir şəhər Xəstəxanasına yerləşdiriliblər. Xəsarət alanların əksəriyyəti Yevlax sakinləridir.
***
Yevlax rayonunun Xaldan qəsəbəsi ərazisində "Mercedes" markalı mikroavtobusun aşması nəticəsində iki nəfər ölüb.
aia.az ONA-ya istinadən xəbər verir ki, Mingəçevir xəstəxanasına çatdırılan yaralılardan gənc bir qız orada keçinib.
Ümumilikdə isə qəza nəticəsində bir nəfərin hadisə yerində dünyasını dəyişdiyi, daha 7 nəfərin yaralı halda Yevlax xəstəxanasına, 3 nəfərinsə Mingəçevir xəstəxanasına çatdırıldığı məlumdur.
aia.az
Geri dön