İcra başçısı Rus borisi kəndində görüş keçirdi
17-05-2019, 17:36. Yazar: sevinc1
Goranboy rayon İcra Hakimiyyətinin başçısı cənab Məhərrəm Quliyev 17 may 2019-cu il tarixdə Rus Borisi kəndinin əhalisi ilə görüş keçirib.
aia.az xəbər verir ki, görüşdə rayon İcra hakimiyyətinin məsul işçiləri, hüquq-mühafizə, müvafiq idarə, müəssisə və təşkilatların rəhbərləri iştirak edirdi. İcra başçısı sakinləri narahat edən müraciətləri dinləyib.
Müraciətlər əsasən işlə təminat, kəndin içməli su xəttinin və kəndə gələn yolun təmiri, kolxoz sədrinin seçilməsi ilə bağlı olmuşdur. Qaldırılan məsələlərlə bağlı İcra başçısı müvafiq tapşırıqlar vermiş, icrası nəzarətə götürülüb. Rayon icra hakimiyyətinin başçısı cənab Məhərrəm Quliyev əhalinin sosial müdafiəsi və sosial rifahının yüksəldilməsi, Goranboy şəhərində aparılan abadlıq-quruculuq işlərindən, əhalini narahat edən problemlərin həlli istiqamətində həyata keçirilən tədbirlərdən danışaraq, görüşlərin bundan sonra da davam etdiriləcəyini bildirdi.
aia.az
Geri dön