Emin Millidən daha bir bəyanat:
15-05-2019, 14:08. Yazar: sevinc1
"Əgər iqtisadi islahatlar həyata keçiriləcəksə, Azərbaycan hakimiyyəti ilə işləməyə hazıram”.
Bakupost.az-ın məlumatına görə, bunu "BBC Azərbaycan”a müsahibəsində Meydan TV-nin keçmiş rəhbəri Emin Milli deyib.
O bildirib ki, əgər ölkədə ciddi real islahatlar keçirilsə, hər kəsə əl uzatmağa, hər kəsə işləməyə hazırdır: "İqtisadi islahlatlar getsə, mən İlham Əliyevlə də, hakimiyyətlə də işləməyə hazıram. Kim istəyir, mənə satqın desin, kim nə deyir-desin, bu, mənim vecimə deyil”.
E.Millinin sözlərinə görə, o, müxalifətdə təmsil olunub yalandan hakimiyyəti dəyişəcəyini deyən adamlardan olmayıb, olmayacaq: "Mən nə müxalifətdə təmsil olunub yalandan hakimiyyəti dəyişəcəklərini deyənlərin, nə də hakimiyyəti olub yalandan islahat edəcəklərini deyənlərin yanında olmayacam”.
aia.az
Geri dön