ANS baş redaktoru məhkəməyə verdi
15-01-2016, 13:44. Yazar: admin
ANS Teleradio Şirkəti Aznew.az saytının baş redaktoru Elçin Zahiroğlunu məhkəməyə verib
Baş redaktor Modern.az-a açıqlamasında bununla bağlı xəbəri təsdiqləyib.
O bildirib ki, ANS şirkətinin onu hansı səbəbdən dolayı məhkəməyə verməsi haqqında dəqiq məlumatı yoxdur:
“ANS şirkəti tərəfindən məhkəməyə verilməyimlə bağlı məktub bu gün mənə göndərilib. Məktub Yasamal rayon məhkəməsi tərəfindən mənə ünvanlanıb və yanvar ayının 2-dən məni məhkəməyə dəvət ediblər. ANS şirkəti hər hansı bir yazı gedən kimi bizi məhkəməyə verir. Bunun səbəbi haqda isə hələki dəqiq məlumatım yoxdur. Çox güman ki, son günlər ANS şirkətində kütləvi ixtisarlar bağlı dərc olunmuş yazı ilə bağlı olacaq”deyə, E. Zahiroğlu vurğulayıb.
Baş redaktor onu da qeyd edib ki, məktubda onları şərəfin, ləyaqətin, işgüzar nüfuzun müdafiəsi ilə bağlı maddə ilə təqsirləndirildikləri qeyd olunub.
Geri dön