Mehriban Əliyevadan təşəkkür: “Sevgi onlara hava kimi lazımdır”
12-02-2019, 14:56. Yazar: sevinc1
Azərbaycanın Birinci vitse-prezidenti, Heydər Əliyev Fondunun prezidenti Mehriban Əliyeva fevralın 11-də Bakının Nərimanov rayonundakı Uşaq Psixonevroloji Mərkəzi, Nəsimi rayonundakı 1 nömrəli körpələr evi və 268 nömrəli xüsusi məktəbdə olub, uşaqlarla görüşdükdən sonra həmin müəssisələrdə azyaşlıların qayğısına qalan hər kəsə təşəkkürünü bildirib.
Azvision.az xəbər verir ki bu barədə Azərbaycanın Birinci vitse-prezidenti Mehriban Əliyevanın rəsmi "İnstagram" səhifəsində yazılıb:
"Valideyn himayəsindən məhrum olmuş, müxtəlif xəstəliklərdən əziyyət çəkən uşaqlardan qayğı və məhəbbətini əsirgəməyən həkimlərə, müəllimlərə, tibbi heyətə və hər kəsə dərin minnətdarlığımı bildirirəm. Səmimiyyət, şəfqət və sevgi onlara hava kimi lazımdır. Laqeyd yanaşmayan hər kəsə təşəkkür edirəm".
aia.az
Geri dön