-Heç bir bahalaşmaya yol vermək olmaz
24-12-2015, 11:13. Yazar: admin
“Ərzaq məhsullarının qiymətləri sabit qalmalıdır”.
İndiki vəziyyətdə hökumət qarşısında əsas vəzifə qoyulmuşdur ki, makroiqtisadi sabitlik təmin edilsin, inflyasiya normal səviyyədə olsun. Bu ilin yekunlarına görə inflyasiya 4 faizdən azdır. Gələn il də biz çalışmalıyıq ki, bunu ən aşağı səviyyədə saxlayaq.
Aia.az xəbər verir ki, bunu Azərbaycan Prezidenti İlham Əliyev 2015-ci ilin idman yekunlarına həsr olunmuş tədbirdə çıxışı zamanı bildirib.
Dövlət başçısının sözlərinə görə, son illərdə Azərbaycan yerli istehsala böyük əhəmiyyət verib, həm dövlət, həm özəl sektora vəsait ayırıb.
“Ərzaq məhsullarının böyük əksəriyyəti Azərbaycanda istehsal olunur. Buna görə də Azərbaycanda istehsal olunan ərzaq məhsullarının qiymətləri sabit qalmalıdır. Tikinti materialları da həmçinin.
Son illər ərzində biz güclü tikinti sənayesi yaratmışıq və özümüzü əsas tikinti materialları ilə təmin edirik. Tikinti sektorunda da heç bir bahalaşmaya yol vermək olmaz”, - deyə, dövlət başçısı vurğulayıb.
Geri dön