Bakıdakı valyutadəyişmə məntəqələri dollar satmaq istəmirlər
23-12-2015, 17:32. Yazar: admin
Manatın dollar və avro qarşısında 50% ucuzlaşmasından sonra Bakıdakı valyutadəyişmə məntəqələrinin bir çoxunda nağd dollar alış-satışı dayandırılıb
Modern.az saytının əməkdaşı Bakını bir necə yerində valyuta alış-satış məntəqəsinə baş çəkib.
Müşahidələrimiz zamanı məlum oldu ki, valyutadəyişmə məntəqələrinin bəziləri fəaliyyətinə fasilə verib, qapılarını bağlayıb. “Gənclik” metrostansiyası yaxınlığında, Həsən Əliyev küçəsində yerləşən valyutadəyişmə məntələrini bağlamışdılar.
Bir neçə bank filialına da baş çəkdik. Əksəriyyəti dollar satışını demək olar ki, dayandırmışdılar. AğBank-ın işçiləri dollar satışının dayandırılmasını bu bankın filiallarında ABŞ valyutasının olmaması ilə əlaəqələndirdilər.
“TuranBank”da 1 nəfər üçün 1000 dollardan artıq verə bilmədiklərini qeyd etdilər.
“NBCbank”da isə dollar satışı dayandırılmışdı.
Müşahidələrimiz zamanı məlum oldu ki, bəzi banklar vəziyətdən sui-istifadə edərək, dolların alış-satışı arasında ciddi fərq yaradıblar.Bugünkü mənzərəyə görə, Azərbaycan vətəndaşı hər 100 dollara görə 60 qəpik itirir...
Geri dön