Əcnəbilərə qanunsuz pensiya ödənilib - 400 min
5-11-2018, 09:40. Yazar: sevinc1
Hesablama Palatasının Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Hərbi qulluqçular və xüsusi rütbəli şəxslərlə iş İdarəsi üzrə gəlirlərin və xərclərin icrası vəziyyətinin auditi zamanı əcnəbilərə 400 min manatdan çox qanunsuz pensiya ödənildiyini aşkarlayıb.
BakuPost xəbər verir ki, audit tədbirləri 1 yanvar 2016- 1 yanvar 2018-ci ili əhatə edib. Hesabatda qeyd edilir ki, 1 yanvar tarixədək pensiya təyinatının araşdırılması zamanı müəyyən edilib ki, müvafiq qanunvericilik aktlarında Azərbaycan ərazisində daimi yaşayan əcnəbilərə əmək pensiyasının verilməsi nəzərdə tutulduğu halda ölkə ərazisində daimi yaşamaq icazəsi olmayan və sonradan həmin icazəni alan 25 nəfər əcnəbiyə ölkədə müvəqqəti yaşadıqları dövrdə pensiya təyin edilib. Onlara ümumilikdə 427 min 328,1 manat vəsait ödənilib.
aia.az
Geri dön