Odlar Yurdu Universitetindən dikdaban qadağasına REAKSİYA
19-10-2018, 17:29. Yazar: sevinc1
Yerli mətbuatda Azərbaycanın Odlar Yurdu Universitetində qəribə qadağanın qüvvəyə mindiyi barədə məlumatlar yayılıb.
Yazılanlara əsasən, universitet rəhbərliyinin göstərişi ilə qüvvəyə minən qadağaya görə ali təhsil müəssisəsində xanım tələbələrə dikdaban ayaqqabı geyinmək yasaqlanıb.
Bununla əlaqədar, "Diqqət! Diqqət! Universitetin binasına dikdaban ayaqqabı ilə girmək qəti qadağandır” – deyə, universitet binasının foyesində məlumat da yerləşdirilib. Bu qadağa isə xanım tələbələrin etirazına səbəb olub.
aia.az xəbər verir ki, məsələ ilə bağlı AzEdu.az Odlar Yurdu Universiteti ilə əlaqə yaradıb. Univerisitetin mətbuat katibi Günay İmanova bildirib ki, burda hər hansı qadağadan söhbət gedə bilməz:
“Biz tələbələrə qadağa qoymamışıq. Sadəcə, dikdaban ayaqqabı ilə otaqların yanından keçəndə səslər avtomatik dərs prosesini pozur. Bu mənada, tələbələrə məlumat verilib. Məncə, tələbələr buna etiraz etməməlidir”.
aia.az
Geri dön