Bodrumda faciə - 18 ölü
19-12-2015, 12:00. Yazar: admin
Bu gecə Türkiyənin Bodrum şəhərində qeyri-qanuni miqrantların olduğu qayıq batıb.
Aia.az bildirir ki, hadisə nəticəsində 18 nəfər ölüb, 14 nəfər isə son anda xilas edilib. Xilas edilənlər yaxınlıqdakı xəstəxanalara çatdırılıblar. Onların vəziyyətinin ağır olduğu bildirilir. Bodrumdan Yunanıstanın Kalimnos adasına keçməyə çalışdıqları bildirilən miqrantların Suriya, İraq və Pakistan vətəndaşları olduğu müəyyənləşdirilib.
Bu hadisədən bir az sonra isə yerli polisə Bodrumda daha 20 miqrantın qanunsuz yollarla Yunanıstana aparıldığı barədə məlumat daxil olub. Hadisə yerinə gedən polis miqrantları və təşkilatçıları yaxalayıb. Məlum olub ki, təşkilatçılar adambaşına 3 min dollar dollar alaraq, miqrantları köhnə qayıqla Yunanıstana aparmağı vəd ediblər.
Geri dön