Bu gün açılan yol pulludur? - RƏSMİ AÇIQLAMA
18-09-2018, 15:23. Yazar: sevinc1
Xəbər verdiyimiz kimi, bu gün Ələt-Astara-İran İslam Respublikası ilə dövlət sərhədi avtomobil yolunun açılışı olub. Açılışdan sonra insanları düşündürən əsas məsələ yolun pullu olub-olmayacağıdır.
Məsələ ilə bağlı BakuPost-a danışan Azərbaycan Avtomobil Yolları Dövlət Agentliyinin mətbuat xidmətinin rəhbəri Anar Nəcəfli deyib ki, hazırda həmin yol ödənişsizdir.
Qurum rəsmisinin sözlərinə görə, yolun ödənişli olub-olmaması ilə bağlı hələ ki bir qərar yoxdur.
"Əgər belə bir qərar olarsa, müvafiq işlərin görülməsinə başlanılacaq".
Mətbuat katibi yolda ilkin olaraq sürət həddinin 90-100 km/saat nəzərdə tutulduğunu qeyd edib.
aia.az
Geri dön