Paşinyan Putin görüşü başladı – Kremlin narazılığı hiss olunur
8-09-2018, 16:29. Yazar: sevinc1
Ermənistanın baş naziri Nikol Paşinyanın Moskvaya səfəri başlayıb.
Modern.az Rusiya KİV-nə istinadən xəbər verir ki, baş nazirin prezident Putinlə görüşünün əvvəli jurnalistlərin gözü qarşısında cərəyan edib.
Paşinyan iki ölkənin bir-birinin daxili işinə qarışmamasını önə çəkib.
“Ölkələrimiz arasında münasibətlər maraq və suverenliyin qarşılıqlı hörməti əsasında formalaşıb. Bu fonda ölkələrin bir-birinin daxili işinə qarışmamasının vacibliyini də qeyd etmək istərdim”.
Eyni zamanda, hökumət başçısı hərbi-texniki və iqtisadi sahədə potensialdan tam istifadə olunmamasında gileylənib.
Danışıqlar zamanı Putinin Paşinyandan narazı qalması rusiyalı jurnalistlərin diqqətindən yayınmayıb.
aia.az
Geri dön