Şamaxıda toyda dava düşdü
3-09-2018, 10:36. Yazar: sevinc1
Şamaxıda toyda dava olub. aia.az "Report”a istinadən xəbər verir ki, hadisə rayonun Kərkənc kəndində baş verib.
Kənddə keçirilən toy mərasimində baş verən davada 1977-ci il təvəllüdlü Xaqani Oqtay oğlu Rüstəmov bir neçə həmyerlisi tərəfindən döyülüb. Nəticədə o, ağır xəsarət alıb.
X.Rüstəmov yaxınları tərəfindən Şamaxı Mərkəzi Xəstəxanasına aparılıb. Onun vəziyyətinin orta-ağır olduğu bildirilir.
Faktla bağlı araşdırma aparılır.
aia.az
Geri dön