Bu ölkədə torpaq azlığına görə meyitlər yandırılacaq
31-07-2018, 11:01. Yazar: sevinc1
Bu ilin sentyabrından Çinin Tzyansi vilayətində ölən şəxslərin basdırılmasına qadağa qoyulacaq.
aia.az yerli mətbuata istinadən xəbər verir ki, yerli hakimiyyət orqanlarının bu addımı atmasına səbəb əkinə yararlı torpaq sahələrinin qorunub saxlanılmasıdır.
Bu tarixdən etibarən isə ölən şəxslərin yaxınlarına cəsədləri yalnız kremasiya etməyə icazə veriləcək.
Yerli mətbuatda yayılmış şəkil və videolarda vilayətin bir neçə şəhərində səlahiyyətlilərin kəndlilərdən zorla tabutları müsadirə etməsi görünür.
Bu yığılan tabutlar isə buldozerlərin yardımı ilə məhv edilib.
Qeyd edək ki, yerli əhalidə hakimiyyət rəsmilərinin tabutların müsadirəsi zamanı ona çəkilən xərcin yalnız müəyyən bir hissəsini ödəməsi narazılıqlara səbəb olub.
aia.az
Geri dön