Spiker deputatlara irad tutdu: “Belə olmaz axı...”
12-06-2018, 16:17. Yazar: sevinc1
Milli Məclisin sədri Oqtay Əsədov deputatların "Təhsil haqqında” qanunun yenidən hazırlanması ilə bağlı təkliflərinə etirazını bildirib.
Milli Məclisin bu gün keçirilən növbədənkənar iclasında O.Əsədov xatırladıb ki, uzun müddət "Təhsil haqqında” qanun qəbul olunmayıb.
"Nəhayət qanun qəbul edildi. İndi də deyirlər, qanun yenidən işlənməlidir. Belə olmaz axı... Qanun olmazsa, nəyə dəyişiklik edəcəksiniz? Hər şeyi yenidən işləmək olmur axı.
Onda gəlin Cinayət Məcəlləsini və digər məcəllələri də yenidən hazırlayaq”-deyə, parlamentin sədri vurğulayıb.
Qeyd edək ki, bəzi deputatlar hazırki "Təhsil haqqında” qanunda çatışmazlıqlar olduğunu bildiriblər, onlar qanunun yenidən hazırlanmasını təklif ediblər.
aia.az
Geri dön