Dövlət Gömrük Komitəsi büdcə daxilolmaları ilə bağlı proqnozu üstələyib
5-06-2018, 16:07. Yazar: sevinc1
Bu ilin ilk beş ayı ərzində Azərbaycan dövlət büdcəsinə gömrük daxilolmaları 1 323 milyon manat olub.
Trend-in məlumatına görə, bunu Dövlət Gömrük Komitəsinin sədri Səfər Mehdiyev deyib.
Komitə sədri qeyd edib ki, bu göstərici həmin müddət üçün verilən proqnozu 37 faiz üstələyib:
“2018-ci ilin yanvar-may aylarında gömrük daxilolmaları ilə bağlı proqnoz 964 milyon manat olub. Bu onu ifadə edir ki, biz proqnozu 359 milyon manat və ya 37 faiz üstələmişik”.
Qeyd edək ki, 2018-ci il üçün dövlət büdcəsinə gömrük daxilolmaları üzrə proqnoz 2,43 milyard manatdır.
aia.az
Geri dön