Miqrantları daşıyan maşın atəşə tutuldu: 4 ölü, 6 yaralı
1-12-2015, 07:43. Yazar: admin
Malinin şimalında naməlum silahlılar afrikalı miqrantları daşıyan yük maşınını atəşə tutub.
APA-nın TASS agentliyinə istinadən verdiyi məlumata görə, hadisə nəticəsində 4 nəfər ölüb, 6 nəfər yaralanıb.
İnsident Tabankort və Anefis yaşayış məntəqələrinin arasında qeydə alınıb. Yük maşınında Əlcəzairə yollanan Mali, Qvineya, Niger, Nigeriya və digər ölkələrin vətəndaşları olub.
BMT-nin Malidəki sülhməramlı missiyasının (MINUSMA) məlumatına əsasən, yaralılar helikopterlərlə Qao şəhərinə çatdırılıb. Onlardan 5-i Mali, 1 isə Qvineya vətəndaşıdır.
Hücuma görə heç kim məsuliyyəti öz üzərinə götürməyib.
Geri dön