Bərdə Olimpiya İdman Kompleksində yeniyetmələr arasında açıq rayon birinciliyi keçirildi
30-11-2015, 18:08. Yazar: admin
29 noyabr 2015-ci il tarixdə Bərdə Olimpiya İdman Kompleksində Gənclər və İdman idarəsinin təşkilatçılığı ilə cüdo üzrə 2000-2002-ci və 2003-2005-ci il təvəllüdlü yeniyetmələr arasında açıq rayon birinciliyi keçirilmişdir.
Yarışda Respublikanın 7 şəhər və rayonlarından (Gəncə,Bərdə,Goranboy, Göyçay, Ağdam, Ucar, Yevlax - 10 komanda) 19 çəki dərəcəsində 179 idmançı qələbə uğrunda mübarizə aparmışdır.
Azərbaycan Respublikası Cüdo Federasiyasının Qarabağ reğionu üzrə təlimatçısı,Bərdə komandasının baş məşqçisi,idman ustalığına namizəd Şahin Əhmədov idmançıların yarışa hazır olması barədə Bərdə rayon Gənclər və İdman idarəsinin rəisi Anar Şahbazova məruzə etdi.
Tədbiri giriş sözü ilə Bərdə rayon Gənclər və İdman idarəsinin rəisi Anar Şahbazov açaraq iştirakçıları salamladı.Sonra o,respublikamızda olimpiya idman növlərinin inkişafına göstərilən diqqət və qayğıdan,idmançılarımızın,xüsusilə cüdoçuların son illər beynəlxalq yarışlarda əldə etdikləri nailiyyətlərdən,reğionlarda perspektivli idmançıların yetişdirilməsindən danışaraq bu yarışda yeniyetmə cüdoçulara uğurlar arzuladı.
Gəncə UGİM-nin cüdo üzrə baş məşqçısi,Respublikanın əməkdar məşqçisi Ramiz Məmmədov və Göyçay rayon komandasının baş məşqçisi, idman ustalığına namizəd Soltanəli Məmmədov çıxış edərək ölkə rəhbərliyi tərəfindən idmana və idmançılara yaradılan münbit şəraitdən danışdılar və yarışın təşkilatçılarına minnətdarlıqlarını bildilər.
Gərgin mübarizə şəraitində keçən açıq birincilikdə komanda hesabında Bərdə komandası – I yeri,Gəncə komandası (məşqçi Hüseyn Allahverdiyev) – II yeri,Goranboy komandası isə III yeri tutmuşlar.
Öz çəki dərəcəsində I,II və III yerləri tutmuş idmançılar Bərdə rayon Gənclər və İdman idarəsinin müvafiq dərəcəli diplom və medalları ilə təltif olunmuşlar.
Geri dön