Sarkisyan revanşa hazırlaşır - Karapetyanı ölkədən qovacaq
1-05-2018, 12:04. Yazar: sevinc1
Ermənistanın Respublika Partiyasının sədri Serj Sarkisyan bu yaxınlarda parlament fraksiyasının üzvləri ilə görüşü zamanı partiya liderinin dəyişdirilməsinin mümkün olduğunu deyib. Sarkisyan, həmçinin partiya nümayəndələrinə deyib ki, onlar Karen Karapetyana (hazırda baş nazir vəzifəsini icra edir-red) qulaq asıb, ona tabe olmamalıdırlar.
AzVision.az “Jamanak” nəşrinə istinadən xəbər verir ki, artıq hakim partiya daxilində gərginlik artıb. İddia edilir ki, Sarkisyan partiya sədri olaraq qalacaq.
“Serj Sarkisyan partiya sədri olaraq qalır. Bunun əvəzində Karen Karapetyanın Ermənistanı tərk edərək “Qazprom”dakı işinə qayıdacağı istisna olunmur. Məsələ ondadır ki, Karapetyanla partiya nümayəndləri arasında fikirayrılığı daha da dərinləşib. Belə ki, Sarkisyanın istefasından istfadə edən Karapetayn partiyada olan həmkarlarına məhəl qoymayaraq, nəyin bahasına olursa-olsun baş nazir vəzifəsində qalmaq üçün çalışıb və hətta Ermənistandan kənarda da dəstək axtarıb. Bu da Serj Sarkisyan daxil olmaqla digər rəhbər şəxslərin xoşuna gəlməyib” - deyə qəzet yazıb.
Geri dön