Kredit götürmək adı ilə dələduzluq edən şəxsə hökm oxundu
16-02-2018, 14:52. Yazar: admin
Bakı Ağır Cinayətlər Məhkəməsində "Muğanbank" dan vətəndaşlara kredit alacağını vəd edərək külli miqdarda dələduzluq etməkdə təqsirləndirilən Qəzənfər Qəhrəmanovun cinayət işi üzrə məhkəmə prosesi başa çatıb.
aia.az Trend-ə istinadən xəbər verir ki, hakim Novruz Kərimovun sədrliyi ilə keçirilən prosesdə təqsirləndirilən şəxsə hökm oxunub. Məhkəmənin hökmü ilə Q. Qəhrəmanov 7 il azadlıqdan məhrum edilib.
İttihama görə, Q. Qəhrəmanov ayrı-ayrı vətəndaşlara "Muğanbank"dan külli miqdarda kredit alacağını vəd edib, onlardan pul alaraq aldadıb. Təqsirləndirilən şəxs zərərçəkmişlərə 11 min manatdan çox ziyan vurmaqda təqsirləndirilir.
Geri dön