Məmmədyarov ötən il Nalbandyanla 5 dəfə görüşüb
29-01-2018, 16:33. Yazar: admin
Ötən il ərzində Azərbaycan və Ermənistanın XİN rəhbərləri Edvard Nalbandyanla Elmar Məmmədyarov arasında beş dəfə görüş keçirilib.
AzVision.az xəbər verir ki, bunu Ermənistanın xarici işlər naziri Edvard Nalbandyan 2017-ci ilin yekunlarını şərh edərkən deyib.
“16 ay sonra 16 oktyabr 2016-ci il tarixində Cenevrədə Ermənistan və Azərbaycan prezidentləri arasında görüş baş tutub”, - deyə Nalbandyan vurğulayıb.
Onun sözlərinə görə, təxminən dörd il fasilədən sonra isə Cenevrədə sammit zamanı Ermənistan və Azərbaycan XİN rəhbərləri, ATƏT-in Minsk qrupunun birgə bəyanatı qəbul edilib. Bəyanatda danışıqlar prosesinin aktivləşdirilməsi və təmas xəttində gərginliyin azaldılması üçün əlavə addımların atılmasının vacibliyi vurğulanıb.
Ermənistan XİN-in yaydığı məlumata əsasən, ATƏT-in Minsk qrupu formatında 14 bəyanat qəbul olunub ki, bu bəyanatlarda Vyana və Sankt-Peterburqda əldə olunan razılaşmaların reallaşdırılması öz əksini tapıb.
aia.az
Geri dön