Moskva Kiyevə satdığı qazı ucuzlaşdırdı
29-06-2015, 14:19. Yazar: admin
Dmitri Medvedyev Ukraynaya jest etdi: "Biz tərəfdaşlarımıza kömək etməyə hazırıq"
Rusiya Ukraynaya qazın qiymətini ucuzlaşdırıb.
ANS PRESS-in məlumatına görə, Baş nazir Dimitri Medvedyev bildirib ki, Ukraynaya satılan qazın 1000 kubmetri 247 dollara salınıb.
O, iyunun 29-da "Qazprom"un sədri Aleksey Miller və enerji naziri Aleksandr Novikovla görüşdə deyib ki,dünya bazarlarında enerji daşıyıcılarının qiyməti düşdüyünə görə, qazın qiyməti 40 dollar ucuzlaşdırılacaq.
Baş nazirin sözlərinə görə, növbəti qiymət dəyişikliyi dünya bazarlarında təbii qazın qiymətinin dəyişməsindən aşılı olacaq.
D.Medvedyev açıqlayıb ki, bu addım, Kiyevin xahişi ilə atılıb: "İki ölkə arasında münasibətlərin gərginləşməsinə baxmayaraq, biz tərəfdaşlarımıza kömək etməyə hər zaman hazırıq."
Ekspertlər rəsmi Moskvanın bu qərarını təqdirəlayiq hesab ediblər. Onların fikrincə, Rusiyanın qazın qiymətini salması Ukrayna ilə bütün sahələrdə əməkdaşlığın başlamasına, ölkənin Şərqindəki vəziyyətin normallaşmasına da təsir göstərə bilər.
Bundan əvvəl, Kreml Kiyevə qazın min kubmetrini 287 dollara satırdı.
Geri dön