Dəmir yolunda "Sağlamlıq günü" keçirilib
13-12-2017, 11:32. Yazar: admin
"Azərbaycan Dəmir Yolları” Qapalı Səhmdar Cəmiyyətində (QSC) "Sağlamlıq günü” tədbiri keçirilib.
"Azərbaycan Dəmir Yolları” QSC-nin İctimaiyyətlə əlaqələr şöbəsindən aia.az-a verilən məlumata görə, tədbirin əsas mahiyyəti dəmiryolçuları işindən ayrılmamaq şərtilə, onlara profilaktik baxışların keçirilməsidir.
”Azərbaycan Dəmir Yolları” QSC-nin Həkim-Sanitar Xidməti tərəfindən müəyyən olunmuş Tədbirlər Planına əsasən, dəmiryolçuların tibbi müayinəsi aparılır, onların sağlamlıq durumları barədə müvafiq məsləhətlər verilir, lazım gəldikdə isə pasientlərə stasionar və ya ambulator şəraitdə daha ətraflı müayinə və müalicə aparılmaları tövsiyyə olunur. Mütəmadi olaraq keçirilən "Sağlamlıq günü” tədbirləri də görülən işlərin tərkib hissələrindəndir.
Eyni zamanda, qatarların hərəkəti ilə bağlı işçilərin ilkin və dövri tibbi müayinəsi, peşə xəstəliklərinin profilaktikası eləcə də tibb məntəqələrində reysqabağı tibbi baxışlar da həyata keçirilir.
Tədbirdə Bakı dəmir yolu xəstəxanasının 10 həkimi dəmiryolçuları müayinə edib.
Gün ərzində 52 nəfər Bakı dəmir yolu xəstəxanasının həkimləri tərəfindən elektrokardioqrafik və laborator müayinədən keçirilib, 28 nəfər xəstəxanaya dəvət olunub.
Qeyd edək ki, "Sağlamlıq günü” tədbirləri dəmir yolunun iri qovşaqlarında da təşkil olunur.
aia.az
Geri dön