Əhalinin banklardakı əmanətləri artıb
11-12-2017, 10:29. Yazar: admin
Azərbaycanda fəaliyyət göstərən bankların 31 oktyabr 2017-ci il tarixinə cəmi aktivləri 26,311.6 mln. manat, cəmi öhdəlikləri isə 23,216.6 mln. manat təşkil edib.
Bu barədə Maliyyə Bazarlarına Nəzarət Palatasının (MBNP) mətbuat xidmətindən verilən məlumatda bildirilib.
Bildirilib ki, sektorun balans kapitalı 3,095 mln. manat, əhalinin əmanətləri isə sentyabr ayı ilə müqayisədə 3.6% (250.7 mln. manat) artaraq 7,250.2 mln. manat olub.
Qeyd edək ki, sentyabrın 9-na olan məlumata görə, əhalinin əmanətlərin 6,999.5 mln. manat təşkil edib.
Fəaliyyət göstərən 31 bankın filiallarının sayı 556, şöbələrinin sayı 142, ATM-lərin sayı 2,491 olmuşdur. Bütövlükdə, bank sektorunun işçi heyəti 16,470 nəfər təşkil etmişdir.
aia.az
Geri dön