Bakıdan İsrail-Fələstin münaqişəsilə bağlı ÇAĞIRIŞ
7-12-2017, 11:28. Yazar: admin
Azərbaycan İsrail-Fələstin münaqişəsinin sülh yolu ilə həllini dəstəkləyir. Azərbaycan Şərqi Yerusəlim Fələstin Dövlətinin paytaxtı olmaqla məsələnin iki dövlət əsasında həllinin tərəfdarıdır.
aia.az xəbər verir ki, bunu Azərbaycan XİN mətbuat xidmətinin rəhbəri Hikmət Hacıyev bildirib.
H.Hacıyev deyib ki, Azərbaycan cəlb olunmuş bütün tərəfləri məsələ ilə əlaqədar BMT Təhlükəsizlik Şurasının müvafiq qətnamələrinə riayət etməyə çağırır.
Xatırladaq ki, ABŞ prezidenti Donald Tramp ötən axşam Qüdsün İsrailin paytaxtı kimi tanındığını rəsmi elan edib.
"Yerusəlimin rəsmi olaraq İsrailin paytaxtı kimi tanınmasının vaxtı çatıb”, -deyə D.Tramp vurğulayıb.
D.Tramp həmçinin əlavə edib ki, ABŞ regionda sülhün əldə olunması üçün əlindən gələni edəcək.
aia.az
Geri dön