Modelyer Yeganə Sadıxova əcnəbiləri valeh edəcək
4-12-2017, 10:39. Yazar: admin
Öz dəst-xətti ilə seçilən "YES MODA EVİ"nin rəhbəri tanınmış azərbaycanlı dizayneri və modelyeri Yeganə Sadıxova yeni ilin ilk aylarında Fransada keçirilən moda həftəsinə dəvət alıb.
aia.az xəbəbr verir ki, tədbirdə Yeganə xanım yaradıcılığının spesifik tərzi olan milli koloritli geyimlərdən istifadə edəcək. Kolleksiyalarını sevə-sevə, uzun vaxt müddətində, tələsmədən hazırladığını deyən modelyer, nəticədə ərsəyə gətirdiyi işlərilə hamını valeh edə biləcək.
Kolleksiyasının incə və zərif əhval-ruhiyyə bəxş etdiyini söyləyən Yeganə Sadıxova bir neçə geyim təqdim edəcək. Sakit tonlarda və rənglərdə əksini tapmış geyimlərində orijinal şəkildə təqdim etməyə çalışan modelyer kolleksiyaları ilə yanaşı incəliyi, gözəlliyi və füsunkarlığı ilə də seçiləcək.
Azərbaycanı layiqincə təmsil edəcək Yeganə Sadıxova həmçinin qeyd edib ki, Moskva da keçirilən moda həftəsinə də dəvət alıb.
aia.az
Geri dön