Bu gün Dünya Çempionatının püşkü atılır
1-12-2017, 12:27. Yazar: admin
Bu gün 2018-ci ildə Rusiyada keçiriləcək futbol üzrə Dünya Çempionatının püşkatma mərasimi keçiriləcək.
aia.az xəbər verir ki, püşkatma mərasimi Moskvadakı Kreml Sarayında keçiriləcək və Bakı vaxtı ilə 19:00-da başlayacaq.
Püşkatma mərasiminin aparıcıları ingiltərəli veteran futbolçu Hari Lineker və rusiyalı telejurnalist Mariya Komandnaya olacaqlar.
Rusiya millisi meydan sahibi kimi avtomatik A qrupunun 1-ci komandası olacaq.
Püşk öncəsi səbətlətin tərkibi aşağıdakı kimidir:
A səbəti:Rusiya, Almaniya, Braziliya, Portuqaliya, Argentina, Belçika, Polşa, Fransa;
B səbəti:İspaniya, Peru, İsveçrə, İngiltərə, Kolumbiya, Xorvatiya, Meksika, Uruqvay;
C səbəti:Danimarka, İsveç, İslandiya, Kosta-Rika, Tunis, Misir, Seneqal, İran;
D səbəti:Serbiya, Nigeriya, Yaponiya, Mərakeş, Panama, Cənubi Koreya, Səudiyyə Ərəbistanı, Avstraliya.
Qeyd edək ki, DÇ-2018 14 iyun - 15 iyulda Rusiyanın 11 şəhərində keçiriləcək.
aia.az
Geri dön