Tanınmış meyxanaçı axtarışa verildi
29-06-2015, 12:57. Yazar: admin
Həmkarları pul mənimsəyən və banka borcu olan Vahidin Qədimin Rusiyaya qaçdığını deyirlər.
Azərbaycanın tanınmış meyxanaçısı axtarışa verilib. ANS PRESS-in məlumatına görə, bu barədə Bakı şəhər Baş Polis İdarəsinin saytında məlumat yerləşdirilib.
Məlumatda qeyd olunur ki, 1973-cü il təvəllüdlü Səfərov Vahid Ağabala oğlu Cinayət Məcəlləsinin 178-ci (dələduzluq) maddəsi ilə təqsirləndirilir.
Meyxana aləmində Vahid Qədim kimi tanınan V. Səfərov bu ilin yanvarından axtarışa verilib.
Tanınmış meyxanaçının həmkarları da bu xəbəri təsdiqləyiblər. Meyxanaçıların sözlərinə görə, Vahid Qədimdən uzun müddətdir xəbər yoxdur. Deyilənlərə görə, tanınmış meyxanaçı bir ildən çoxdur ortalıqda görünmür.
Həmkarları deyirlər ki, Vahid Qədim kiməsə torpaq satışında kömək edib. Həmin şəxsin külli miqdarda pulunu mənimsəyib. Bundan başqa, Vahid Qədimin banklardan birinə külli miqdarda pul borcu olduğu da bildirilir.
Bu hadisəlrədən sonra onun Rusiya Federasiyasına qaçdığını deyiblər.
Geri dön