Sabir Rüstəmxanlının bacısı oğlu ev dustağıdır - YENİLƏNİB
3-07-2017, 17:51. Yazar: admin
17:20
Bakupost.az saytının baş redaktoru Elçin Zahiroğlu ilə bağlı qətimkan tədbiri dəyişdirilib.
AİA.Az virtualaz.org-a istinadən bildirir ki, o, ev dustaqlığına buraxılıb.
Xatırladaq ki, E.Zahiroğlu iyulun 1-də Daxili İşlər Nazirliyi Baş Mütəşəkkil Cinayətkarlıqla Mübarizə İdarəsinin əməkdaşları tərəfindən Milli Məclisin deputatı Elmira Axundovanın oğlu Həbib Axundovun şikayəti əsasında həbs olunmuşdu.
Bu barədə virtualaz.org-a açıqlamasında Həbib Axundov özü məlumat vermişdi.
H.Axundovun sözlərinə görə, jurnalist onu şəxsi həyatına aid olan çirkin məqalələrlə şantaj edirmiş. "O mənə zəng vururdu, yazırdı, şantaj edirdi. Və pul istəyirdi. Mən polisə müraciət etməyə məcbur oldum. Bu jurnalist mənə başqa seçim imkanı qoymadı", - deyə deputatın oğlu vurğulamışdı.
Onu da xatırladaq ki, Elçin Zahiroğlu şair, keçmiş millət vəkili Sabir Rüstəmxanlının bacısı oğludur.
----------
12:29
Bakupost.az saytının baş redaktoru Elçin Zahiroğlu sərbəst buraxılıb.
AİA.Az bildirir ki, E.Zahiroğlu iyulun 1-də Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin əməkdaşları tərəfindən Həbib Axundov adlı şəxsdən rüşvət almaqda suçlanaraq saxlanmışdı.
İlkin məlumatlara görə, E.Zahiroğluya qarşı irəli sürülmüş iddialar əsassız olub.
AİA.az
Geri dön