Daşkəsəndə ana və körpəsi qətlə yetirilib
21-06-2017, 15:13. Yazar: admin
Daşkəsən rayonunda ana və azyaşlı övladının meyiti tapılıb.
AİA.az APA-ya istinadən xəbər verir ki, hadisə rayonunun Şahvələdli kəndində qeydə alınıb.
Kənd sakini 37 yaşlı Kəmalə Məmmədova və onun yeni doğulan, 20-25 günlük körpə qızının meyiti yaşadıqları evdə aşkarlanıb.
Qadının üzərində xəsarət izləri var, onun və körpəsinin qətlə yetirildiyi bildirilir.
Qətlin qadının həyat yoldaşı, 1979-cu il təvəllüdlü Rafiq Ələkbərov tərəfindən törədildiyi ehtimal olunur. Hazırda R. Ələkbərov axtarılır.
Faktla bağlı Daşkəsən rayon Prokurorluğunda araşdırma aparılır.
AİA.az
Geri dön