İmtahan nəzarətçilərinə xəbərdarlıq: Mini yubka geyinməyin!
8-05-2017, 11:35. Yazar: admin
Dövlət İmtahan Mərkəzinin (DİM) keçirdiyi qəbul imtahanında iştirak edən abituriyentlərdən biri az bal toplamasının səbəbini nəzarətçinin qısa geyimdə olması ilə əlaqələndirib. 200 bal yığan abituriyent hesab edir ki, nəzarətçinin geyimi onun fikrini yayındırdığından suallara cavab tapa bilməyib. Bu məsələ ötən həftənin ən çox müzakirə olunan mövzusu idi.
Bəs imtahan nəzarətçilərinin geyimi necə olmalıdır?
Təhsil eksperti Nadir İsrafilov bildirib ki, müəllimlərin və ya nəzarətçilərin forma məsələsi daim gündəmdədir.
"Bu məsələ dəfələrlə gündəmə gətirilib. Hüquq-mühafizə orqanlarının işçiləri, həkimlər, stüardessaların vahid geyim formaları var. Hətta meşəbəyinin də forması var. Sovet dönəmində şagirdlərin məktəbli forması diqqət mərkəzində, sonra bu məsələ gündəmdən çıxdı. Lakin yenidən aktuallaşdı və şagirdlər üçün yeni forma sisteminə keçildi. İndi müəllimələrə də vahid forma tətbiq olunmalıdır”.
Nəzarətçilərin diqqətçəkən geyimlərinə gəlincə, ekspert bildirib ki, abituryentin dediləri real görünmür. "Minlərlə nəzarətçi olur, hər il tərkibi dəyişir. Bunların maliyyə məsələsi də var. Bu hansısa səviyyədə qaldırılmalıdır. Amma etika mədəniyyət qaydalarında sərhədlər gözlənilməlidir. Keçmiş təhsil naziri Lidiya Rəsulovanın vaxtında optimal qərar qəbul edilmişdi ki, aşağı hissə tünd, yuxarı hissə açıq rəngdə geyimlər geyinilməlidir . DİM heç bir maliyyə cəlb etmədən təklif verə bilər ki, müəllimələlər klassik formada geyinsinlər. Müəllimlər geyimlərinə diqqətlə yanaşmalıdırlar. Bəzi məktəblərdə müəllimlər dərsdən çox geyimlərini nümayiş etdirirlər”.
Dövlət İmtahan Mərkəzindən cavab olaraq bildirilib ki, hər bir imtahandan öncə müəllimlər üçün təlim-seminar¬lar keçirilir. "Seminarl-arda nəzarətçilərə imtahan qaydaları bar¬ədə ətraflı məlumat verilməklə yanaşı, yaddaş kitabçası və nəzarətçi vəsiqəsi təqdim edilir. Bundan əlavə nəzarətçilər üçün video-çarx nümayiş etdirilir. Təlimlərdə nəzarətçilərə mütləq tapşırılır ki, imtahana diqqəti cəlb etməyən geyimlərdə gəlsinlər və dikdaban ayaqqabı geyinməsinlər".(azvision)
AİA.az
Geri dön