Bakıda döyüş sursatları tapılıb
6-05-2017, 17:38. Yazar: admin
Yasamalda 4 qumbara və 32 ədəd müxtəlif növ patron tapılıb.
AİA.az-ın Fövqəladə Hallar Nazirliyinin rəsmi saytına istinadən verdiyi xəbərə görə, nazirliyin Böhran Vəziyyətlərində İdarəetmə Mərkəzinə Yasamal rayonunda döyüş sursatının aşkar olunması barədə daxil olan məlumat əsasında FHN-in Xüsusi Riskli Xilasetmə Xidmətinin pirotexnikləri hadisə yerinə cəlb olunub.
Döyüş sursatına baxış keçirilərkən məlum olub ki, bunlar, döyüş tətbiqinə yararlı olan, 4 ədəd F1 markalı əl qumbarası və 32 ədəd müxtəlif növ patrondur. Sursatlar xüsusi ayrılmış ərazidə zərərsizləşdirilərək aidiyyatı üzrə təhvil verilib. Əməliyyat saat 13:59-da başa çatıb.
AİA.az
Geri dön