"Türkiyəyə qarşı yanlış addım atılıb" - Oqtay Əsədov
2-05-2017, 12:31. Yazar: admin
“Avropa Şurasının yaz sessiyasında Türkiyəyə qarşı yanlış addım atılıb”.
AzVision.az xəbər verir ki, bunu Milli Məclisin bu gün keçirilən plenar iclasında spiker Oqtay Əsədov deyib.
Spiker bildirib ki, Türkiyəni post monitorinqdən monitorinqə keçirdilər. Onun sözlərinə görə, Türkiyə AŞPA-nın əsasını qoyan ölkələrdən biridir.
Azərbaycanın AŞPA-dakı nümayəndə heyətinin rəhbəri Səməd Seyidov çıxışı zamanı Türkyəyə qarşı ikili standartları tənqid edib:
"Orada ikili standartlardan çıxış edilib. Yaz sessiyasında bu pik həddə çatdı. Türkiyə ilə bağlı məruzə hazırlanmışdı. 13 il əvvəl monitorinqdən post-monitorinqə keçirilmişdi. Yaz sessiyasında yenidən monitorinqə qaytarıldı. Türkiyə siyasətçiləri bildirmişdi ki, fikir mübadiləsi aparmağa hazırdılar. Bu addımla Türkiyəni Avropadan ayırmağa çalışırlar”.
AİA.az
Geri dön