Ana Sayfa > Parlament > "Vətəndaşların manata və bank sektoruna inamı artmaqda davam edir" -
"Vətəndaşların manata və bank sektoruna inamı artmaqda davam edir" -Bu gün, 13:11. Yazar: Subhan |
![]() "Valyuta bazarında - həm nağd, həm də qeyri-nağd bazarlarında təklif tələbi kəskin üstələyib. Vətəndaşların manata və o cümlədən bank sektoruna inamı artmaqda davam edir. Dollarlaşma səviyyəsi illik əsasda 3,3% bəndi azalaraq 25,2% səviyyəsinə düşüb. Bu isə tarixi minimum rəqəmdir". aia.az xəbər verir ki, bunu Milli Məclisin bu gün keçirilən plenar iclasında "Azərbaycan Respublikasının 2027-ci il dövlət büdcəsi haqqında" qanun layihəsinin müzakirəsi zamanı Azərbaycan Mərkəzi Bankının sədri Taleh Kazımov deyib. "Ümumiyyətlə, 2021-ci ilin sonu ilə müqayisə etdikdə dollarlaşma səviyyəsi 15,4% azalıb. Bununla belə Mərkəzi Bankın ehtiyatları bu il 10 ayın nəticələrinə əsasən 34% artıb. Məbləğ ifadədə bu 3,9 milyard ABŞ dolları deməkdir və 15,4 milyard ABŞ dolları səviyyəsinə yüksəlib. Bu da ölkəmizin tarixi maksimum səviyyəsidir", - AMB sədri bildirib. aia.az Geri dön |