Avropa İttifaqından Rusiyaya yeni sanksiya hazırlığı – Banklar və enerji sektoru hədəfdə
Bu gün, 20:00. Yazar: vasif
Avropa İttifaqı Rusiyaya qarşı yeni sanksiyalar paketi üzərində işləyir. Hazırlanan məhdudiyyətlərin əsasən ölkənin enerji sektorunu və bank sistemini əhatə edəcəyi bildirilir.
“Bloomberg” agentliyinin mənbələrə istinadən yaydığı məlumata görə, Brüssel Rusiyanın enerji sahəsinə qarşı əlavə sanksiyaların təsdiqlənməsini planlaşdırır.
Yeni tədbirlər çərçivəsində tankerlərin də sanksiya siyahısına daxil edilməsi nəzərdə tutulur. Bununla da məhdudiyyətlərin Rusiyanın enerji daşımalarına təsirinin genişləndirilməsi gündəmdədir.
Hazırlanan sanksiyaların konkret hansı banklara, enerji şirkətlərinə və tankerlərə şamil olunacağı barədə hələlik ətraflı məlumat açıqlanmayıb.
Yeni sanksiyalar paketinin təsdiqlənəcəyi tarix də məlum deyil. Hazırda söhbət Avropa İttifaqının nəzərdən keçirdiyi mümkün məhdudiyyətlərdən gedir.
Geri dön