Azərbaycanda ombudsman vəzifəsinə namizədlər
Bu gün, 09:32. Yazar: Subhan
Milli Məclisin İnsan hüquqları komitəsinin iclası keçirilir.
aia.az xəbər verir ki, iclasda Azərbaycan Respublikası İnsan hüquqları üzrə müvəkkilinin (ombudsmanın) seçilməsi haqqında məsələ müzakirəyə çıxarılıb.
Namizədlər hazırkı ombudsman Səbinə Əliyeva, hüquqşünas alim, professor, hüquq elmləri doktoru və Azərbaycan Respublikası Konstitusiya Məhkəməsinin keçmiş hakimi Ceyhun Qaracayev və Azərbaycan Respublikası Ali Məhkəməsinin hakimi və Məhkəmə-Hüquq Şurasının Hakimlərin Seçki Komitəsinin üzvü Elşanə Vəliyevadır.
Qeyd edək ki, Azərbaycanın İnsan hüquqları üzrə müvəkkili 7 ildən bir seçilir. Səbinə Əliyeva birinci dəfə 2019-cu ildə ombudsman seçilib. Onun səlahiyyət müddəti noyabrın 29-da başa çatır.
aia.az
Geri dön