YAP Nərimanov rayon təşkilatının Ərazi Partiya Təşkilatlarında VIII Qurultaydan irəli gələn məsələlərlə bağlı görüş keçirilib
Bu gün, 12:07. Yazar: azer
Yeni Azərbaycan Partiyası (YAP) Nərimanov rayon təşkilatının “F,X,Xoyski prospekti 98” ünvanı üzrə Ərazi Partiya Təşkilatında Prezident, Partiyanın sədri cənab İlham Əliyevin VIII Qurultaydakı çıxışının məzmunu və qarşıya qoyulan vəzifələrin icrası ilə bağlı növbəti görüş keçirilib.
aia.az-a xəbər verir ki, görüşdə YAP Nərimanov rayon təşkilatının sədr müavini Anar Abbasov Azərbaycanın güclənməsi və tərəqqisinin davam etdirilməsi, dövlət suverenliyinin qorunması, milli maraqların müdafiəsi və cəmiyyətdə həmrəyliyin möhkəmləndirilməsi istiqamətlərindən bəhs edib. Eyni zamanda, ölkəmizin uğurlarının ictimaiyyətə çatdırılması, informasiya mühitində milli maraqların müdafiəsi və gənclərin dövlətçilik ruhunda formalaşmasına dəstək verilməsinin əhəmiyyətini qeyd edib.
Bildirilib ki, VIII Qurultayın müəyyən etdiyi prioritetlər partiyanın gündəlik fəaliyyətində əsas götürülməli, üzvlər maarifləndirmə işində və ictimai təşəbbüslərdə fəallıq göstərməlidirlər. Qarşıya qoyulan vəzifələrin ardıcıl icrasının ümumi məqsədlərə çatmaq baxımından mühüm olduğu vurğulanıb.
Geri dön