"İnflyasiyanın əsas səbəbi İrandakı müharibədir"
Bu gün, 17:15. Yazar: vasif
İspaniyanın baş naziri Pedro Sançes ölkədə inflyasiyanın yüksək səviyyədə olmasını İrandakı müharibə ilə əlaqələndirib.
aia.az xəbər verir ki, bu barədə o, “El País” qəzetinə müsahibəsində bildirib.
“İnflyasiyanın əhəmiyyətli hissəsi, hətta demək olar ki, hamısı əvvəldən qarşı çıxdığımız İrandakı müharibə ilə bağlıdır. Bu müharibə Avropaya 100 milyard avrodan çox başa gəlib”, – Sançes deyib.
O əlavə edib ki, İspaniyada ilin sonunadək sosial müdafiə tədbirləri üçün 12 milyard avro ayrılıb. Baş nazir vurğulayıb ki, “ən ucuz tədbir bu müharibəyə son qoymaq olardı”.
Ölkənin Milli Statistika İnstitutunun məlumatına görə, İspaniyada sentyabr ayında illik inflyasiya 4,9 faiz təşkil edib. Bu, 2023-cü ilin fevralından bəri qeydə alınan ən yüksək göstəricidir.(Teleqraf)
Geri dön