İran ətrafındakı ABŞ gəmiləri “dişlərinə qədər” silahlanır: Böyük hücuma son hazırlıq...
Bu gün, 10:39. Yazar: vasif
ABŞ Hərbi Dəniz Qüvvələri İrana mümkün mümkün yeni zərbələrə hazırlıq məqsədilə USS George Washington təyyarədaşıyan gəmisinə sursat yükləyir.
aia.az xəbər verir ki, məlumatı The Wall Street Journal qəzeti yayıb. Komandanın planları ilə tanış olan ABŞ rəsmilərinin sözlərinə görə, ABŞ Hərbi Dəniz Qüvvələrinin Yaxın Şərqdəki hərbi gəmiləri, prezident Donald Trampın qarşıdakı həftələrdə İrana qarşı yeni zərbələr endirmək qərarına gələcəyi təqdirdə münaqişənin gərginləşməsinə hazırlaşır.
Ərəbistan dənizində fəaliyyət göstərən ABŞ təyyarədaşıyan gəmisini və esminesi ziyarət edərkən The Wall Street Journal müxbirləri sursat və materialların geniş miqyasda yenilənməsinin şahidi olublar. Xüsusilə gəmilər quru hədəflərini vurmaq üçün uzun mənzilli qanadlı raketləri və bərkidilmiş yeraltı qurğuları məhv etmək üçün hazırlanmış hava bombaları alıblar.
"Biz daim ayıq-sayıqıq, ətrafımızdakı vəziyyəti izləyirik və həm təhdidə cavab olaraq, həm də qabaqlayıcı tədbirlər görməyə hazırıq", - deyə USS George Washington təyyarədaşıyan gəmisinin kapitanı Nikolas DeLeo bildirib.
Geri dön