TƏCİLİ! Müharibə an məsələsidir - ABŞ diplomatlarını
Bu gün, 21:11. Yazar: vasif
Birləşmiş Ştatlar regionda vəziyyətin daha da gərginləşməsi təhlükəsi fonunda Yaxın Şərq ölkələrindəki diplomatik nümayəndəliklərinin əməkdaşlarının bir hissəsinin və onların ailə üzvlərinin təcili qaydada təxliyəsini təşkil edir.
aia.az xəbər verir ki, bu barədə CNN telekanalı məsələdən xəbərdar olan çoxsaylı mənbələrə istinadən məlumat yayıb.
Telekanalın məlumatına görə, ABŞ dövlət katibi Marko Rubioya ünvanlanmış 23 oktyabr tarixli xidməti qeyddə ABŞ kəşfiyyatının İranın fəallığının əhəmiyyətli dərəcədə artdığını qeydə aldığı bildirilir.
Sənədə əsasən, Tehranın ehtimal edilən hücumlarına hazırlıq "həm Yaxın Şərqdə, həm də bəzi digər ölkələrdə irəliləmiş mərhələyə çatıb".
Eyni zamanda, CNN qeyd edir ki, diplomatik xidmətin əməkdaşları təxliyənin xaotik təşkilindən və maliyyə dəstəyinin yetərsizliyindən şikayətlənirlər.
Onların bir çoxu İranla gərginlik dövründə məcburi gedişdən sonra yalnız bu yaxınlarda öz vəzifələrinə qayıtmışdılar və indi yenidən təcili şəkildə mənzil və uşaqları üçün məktəb axtarmaq məcburiyyətində qalıblar.
Geri dön