Trampın mitinqdəki qəribə hərəkətləri gündəm oldu – Sağlamlığı yenidən müzakirə edilir
Dünən, 22:39. Yazar: vasif
ABŞ Prezidenti Donald Trampın ictimai çıxışları zamanı çıxardığı qeyri-adi səslər sosial şəbəkələrdə geniş müzakirələrə səbəb olub.
Məlumata görə, Tramp oktyabrın 21-də Cənubi Karolinada keçirilən mitinqdə nitqini qəfil dayandıraraq boğuq səs çıxarıb. Digər çıxışında isə silah səslərini təqlid edib.
Görüntülərin yayılmasından sonra bəzi sosial şəbəkə istifadəçiləri və şərhçilər ABŞ prezidentinin sağlamlığı ilə bağlı suallar səsləndiriblər.
Bununla belə, həmin görüntülər Trampın səhhətində hər hansı problemin olduğunu təsdiqləmir. Qısa video parçaları əsasında tibbi diaqnoz qoymaq mümkün deyil.
Qeyd edək ki, Tramp daha əvvəl koqnitiv testlərdən yüksək nəticə əldə etdiyini açıqlayıb. Ağ Evin həkimi isə may ayında onun prezident vəzifəsini yerinə yetirməyə sağlamlıq baxımından uyğun olduğunu bildirib.
Geri dön