Avropada etiraz aksiyalarının genişlənəcəyi proqnozlaşdırılır
Bu gün, 20:16. Yazar: vasif
Fransada başlayaraq qısa müddətdə İtaliyaya sıçrayan sosial etirazlar artıq qitə miqyasında genişlənməyə başlayıb. Təhlilçilərin proqnozlarına görə, payız və qış aylarında Avropa Birliyi ölkələrində daha genişmiqyaslı narazılıq və iğtişaşlar dalğasının yaşanması gözlənilir. Bir sıra ölkələrdə gənclərin artan narazılığı yaşayış xərclərinin və yanacaq qiymətlərinin bahalaşması ilə bağlı dərinləşən təşvişlə üst-üstə düşür.
Hazırda proseslərin mərkəzində dayanan İtaliyanın cənubunda yüksək yanacaq qiymətlərinə etiraz edən yük maşını sürücülərinin aksiyaları hökumət üçün ciddi böhrana çevrilib. Ölkədə supermarket rəflərinin boşalması, yanacaqdoldurma məntəqələrində benzinin tükənməsi və hava limanlarına yanacaq tədarükünün dayaması vəziyyəti daha da gərginləşdirib. Hökumət rəhbərliyi yolların açılacağını və dizel yanacağının bahalaşması ilə mübarizə üçün yardım paketinin təqdim olunacağını bildirsə də, yaxın günlərdə müxtəlif şəhərlərdə yeni etiraz aksiyalarının keçirilməsi nəzərdə tutulur.
Geri dön