Azərbaycan iqtisadiyyatı nə qədər böyüyəcək? – BVF proqnozunu dəyişdi
Bu gün, 18:39. Yazar: vasif
Beynəlxalq Valyuta Fondu (BVF) Azərbaycanın iqtisadi artımı ilə bağlı gözləntilərini aşağı salıb.
Fondun Yaxın Şərq və Mərkəzi Asiya ölkələrinə dair oktyabr hesabatında 2026-cı ildə Azərbaycan iqtisadiyyatının 1,7 faiz böyüyəcəyi proqnozlaşdırılıb.
Qeyd edək ki, BVF aprel ayında ölkəmiz üçün 2,2 faizlik iqtisadi artım gözləyirdi. Beləliklə, cari il üzrə proqnoz 0,5 faiz bəndi azaldılıb.
2027-ci il üçün iqtisadi artım proqnozu da 2,5 faizdən 2,3 faizə endirilib.
Fondun 2031-ci illə bağlı gözləntisi isə dəyişməyib. Həmin il Azərbaycan iqtisadiyyatının 2,5 faiz artacağı proqnozlaşdırılır.
Qeyd edək ki, bu rəqəmlər iqtisadiyyatın kiçiləcəyini deyil, əvvəlki gözləntilərlə müqayisədə daha yavaş böyüyəcəyini göstərir.
Geri dön