YAP Şəmkir rayon təşkilatının ərazi partiya təşkilatlarında yığıncaqlar davam edir
Bu gün, 12:57. Yazar: azer
Yeni Azərbaycan Partiyası Şəmkir rayon təşkilatının Mahmudlu kənd, Könüllü kənd və Xuluf kənd ərazi partiya təşkilatlarında Azərbaycan Respublikasının Prezidenti, YAP-ın Sədri cənab İlham Əliyevin partiyanın VIII Qurultayındakı nitqindən irəli gələn vəzifələrin müzakirəsinə həsr olunmuş yığıncaqlar keçirilib.
Yığıncaqlarda YAP Şəmkir rayon təşkilatının əməkdaşları Azər Qəhrəmanov, Zaur Məmmədov və ərazi partiya təşkilatlarının üzvləri iştirak ediblər.
Qeyd olunub ki, YAP-ın VIII Qurultayı Azərbaycanın ərazi bütövlüyü və dövlət suverenliyi tam bərpa edildikdən sonra keçirilən ilk qurultay kimi tarixi əhəmiyyət daşıyır. Qurultayda Prezident İlham Əliyevin müəyyən etdiyi strateji hədəflər və qarşıya qoyduğu vəzifələr partiyanın gələcək fəaliyyət istiqamətlərini müəyyənləşdirir.
Sonda iştirakçılar dövlətimizin başçısının VIII Qurultayda müəyyənləşdirdiyi vəzifələrin həyata keçirilməsində fəal iştirak edəcəklərini, partiyanın qarşısında duran məqsədlərin reallaşdırılmasına öz töhfələrini verəcəklərini bildiriblər.
Geri dön