Müdafiə Nazirliyinin Birləşmiş Həmkarlar İttifaqı Komitəsi tərəfindən Müstəqilliyin Bərpası Gününə həsr olunmuş şahmat turniri keçirilib
Bu gün, 13:34. Yazar: azer
18 Oktyabr – Azərbaycanın Müstəqilliyinin Bərpası Günü münasibətilə Müdafiə Nazirliyinin Birləşmiş Həmkarlar İttifaqı Komitəsinin təşkilatçılığı ilə şahmat turniri keçirilib. Turnirin keçirilməsində məqsəd əlamətdar tarixi günün mahiyyətini diqqətdə saxlamaq, hərbi kollektivlərdə intellektual idmana marağı təşviq etmək və həmkarlar ittifaqı üzvlərinin asudə vaxtının səmərəli təşkilinə töhfə vermək olub.
Şəhriyar Məmmədyarovun adı ilə tanınan şahmat məkanında təşkil olunan yarış iştirakçılara öz bilik və bacarıqlarını nümayiş etdirmək imkanı yaradıb. Şahmatın məntiq, səbir, diqqət və strateji düşüncə tələb edən xüsusiyyətləri turnirin maraqlı idman mübarizəsi şəraitində keçirilməsinə zəmin yaradıb.
Bu cür tədbirlər əməkdaşlar arasında ünsiyyətin genişlənməsi, qarşılıqlı münasibətlərin möhkəmlənməsi və sağlam həyat tərzinin təşviqi baxımından əhəmiyyət daşıyır. Azərbaycanın dövlət müstəqilliyinin bərpasına həsr olunan yarış milli tariximizə və dövlətçilik ənənələrimizə ehtiramın ifadəsi kimi də dəyərləndirilə bilər. Müdafiə Nazirliyinin Birləşmiş Həmkarlar İttifaqı Komitəsinin bu təşəbbüsü idmanın və intellektual fəaliyyətin kollektiv həyatında təşviqinə xidmət edir.
aia.az
Geri dön